Pavarësisht bombardimeve ruse, shumë banorë ukrainas në afërsi të frontit të luftës nuk largohen.
Bakhmuti është një prej këtyre shembujve.
Mes akuzave se Rusia po përgatit një pretekst për t’i sulmuar territorin, Ukraina vazhdon të avancojë gjithnjë e më shumë drejt Khersonit.
Ndërsa po humbet terren, Moska po intensifikon sulmet me artileri dhe dronë.
“Mbi 30 dronë u lëshuan në dy ditë. Mbrojtësit e qiellit tonë parandaluan që grabitqarët e armikut të depërtonin në territorin tonë dhe rrëzuan 23 prej tyre. Gjithashtu, raketat ajrore, helikopterët dhe avionët luftarakë rusë u kthyen në skrap. Në tërësi, gjatë kësaj periudhe, Rusia kreu 4.500 sulme me raketa dhe mbi 8 mijë ajrore. Por ne po rezistojmë dhe do të vazhdojmë t’u bëjmë ballë”, theksoi Zelensky.
Sidoqoftë, dronët iranianë të llojit “Shahed” kanë dëmtuar seriozisht sistemin energjetik të vendit, pak kohë para ardhjes së dimrit.
Ukraina vazhdon t’u kërkojë ndihmë aleatëve dhe ata po ja ofrojnë.
Gjithashtu, ajo siguron pajisje edhe përmes mbledhjes së fondeve.
Aktualisht, sistemet e çminimit janë shumë të dobishme pasi trupat ukrainase po depërtojnë në territoret e kontrolluara nga rusët./euronews.al/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite