Për mashtrim dhe falsifikim me dokumente, gjykata u cakton arrest shtëpiak dy të dyshuarve

17:19 | 26 Tetor 2022
E.H

Gjykata Themelore në Prishtinë i ka caktuar masën e arrestit shtëpiak prej 1 muaji dy të pandehurve I.D.L dhe M.T, për veprën penale “mashtrimi” dhe veprën penale “falsifikim”.

Siç thuhet në njoftim në lidhje me rastin, Prokuroria Themelore në Prishtinë e ka refuzuar caktimin e masës së paraburgimit ndaj të pandehurës I.D.L dhe M.T.

Kujtojmë se dje ishte policia ajo që e bëri njoftimin se M.T ishte ai që e kreu veprën penale “mashtrim” i cili një personit tjetër ia ka paraqitur një certifikatë të gjuhës gjermane kinse e lëshuar nga Instituti “Goethe”, e që sipas policisë, pas verifikimit nga ambasada përkatëse ka rezultuar e falsifikuar.

Ndërsa, e pandehura I.L.D, dyshohet se ka përpiluar dokumentin e falsifikuar të certifikatës së gjuhës gjermane, me çrast ka kryer veprën penale “falsifikim i dokumenteve”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm