Policia e Kosovës ka arrestuar një person nën dyshimin për “Krime lufte kundër popullsisë civile” për periudhën e viteve 1998/99 në një fshat në komunën e Istogut.
“Policia e Kosovës, respektivisht Njësia për Hetimin e Krimeve të Luftës, me autorizim nga Prokuroria Speciale, ka zhvilluar hetime intensive lidhur me krimet e kryera nga forcat e armatosura të Serbisë gjatë periudhës kohore të viteve 1998/99 në Kosovë. Në vazhdën e hetimeve të zhvilluara dhe intervistimit të dëshmitarëve deri më tani, Policia e Kosovës me datën 19.10.2022 ka arrestuar të dyshuarin E. B. Mashkull/Boshnjak i cili është shoqëruar në Polici”, bëhet e ditur në njoftim.
Në konsultim me prokurorin kompetent i dyshuari i lartcekur është intervistuar nën dyshimin se i njëjti është përfshirë në veprën penale “Krime lufte kundër popullsisë civile” për periudhën e viteve 1998/99 në një fshat në komunën e Istogut.
Pas intervistimit të palës në prezencë të avokatit, prokurori i çështjes ka lëshuar aktvendim për arrestim të përkohshëm dhe ndalim policor në kohëzgjatje prej 48 orësh. /arbresh.info/
Röpke: BE s’mund të zhgënjejë më vendet e Ballkanit, d...
Rama në Bruksel: Së shpejti krijojmë Komitetin e Përbashkët ...
Sekuestrohen katër armë zjarri në Breznicë të Obiliqit, arre...
Kurti udhëton për në Bruksel, merr pjesë në drekën e ftuar n...
Loredana Zefi pjesë e jurisë së një prej ngjarjeve më të mëd...
Von der Leyen takon sot liderët e Ballkanit Perëndimor