Shefi i Agjencisë Ndërkombëtare për Energji Atomike, Rafael Grossi, tha se është rikthyer furnizimi me energji në centralin bërthamor të Zaporizhjas në Ukrainë.
Në këtë peridhë situata në central ishte cilësuar e “pasigurtë” në lidhje me sigurinë bërthamore.
“Ndërprerja e mëngjesit të sotëm u shkaktua nga dëmtimi pas bombardimeve në një nënstacion të largët, duke nënvizuar se sa e pasigurt është situata. Ne kemi nevojë për një zonë mbrojtëse sa më shpejt të jetë e mundur,” tha ai në një postim në Tëitter më 12 tetor.
Centrali bërthamor në Zaporizhja – më i madhi në Evropë – ka qenë një nga shënjestrat e ushtrisë ruse prej nisjes së luftës në Ukrainë, në fund të muajit shkurt.
Moska dhe Kievi kanë fajësuar njëri-tjetrin për bombardimet rreth centralit, të cilat kanë rritur shqetësimet për katastrofë bërthamore.
Grossi takoi presidentin rus, Vladimir Putin në Moskë më 11 tetor, si pjesë e përpjekjeve të IAEA-së për të parandaluar një aksident në uzinë. Ai po ashtu ka shtyrë përpara idenë e krijimit të një zone të sigurisë rreth centralit.
Grossi do të takohet edhe me presidentin ukrainas, Volodymyr Zelensky në Kiev, më vonë gjatë kësaj jave, për të diskutuar rreth centralit./REL
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...