Google ADS

Mbërrin në Ukrainë sistemi i parë mbrojtjes ajrore IRIS-T

14:15 | 12 Tetor 2022
A. B.

Sistemi i parë i mbrojtjes ajrore IRIS-T ka mbërritur në Ukrainë, me tre të tjerë nga këto sisteme që priten të dërgohen vitin e ardhshëm, sipas një njoftimi të ministres gjermane të mbrojtjes Christine Lambrecht.

“Këto sisteme të mbrojtjes ajrore janë shumë të rëndiësishme për Ukrainën në luftën kundër sulmeve me raketa, kundër këtij terrori më të cilin po përballet popullsia,” tha Lambrecht gjatë një takimi me homologët e saj të NATO-s në Bruksel, raporton Sky News.

“Ky është një sistem, që do të pasohet nga tre sisteme të tjera vitin e ardhshëm”, përfundoi ajo.

Perëndimi ka furnizuar Ukrainën me armë të shumta që nga shpërthimi i luftës. Deri më tani, fokusi kanë qenë sistemet raketore me rreze të shkurtër veprimi, si sistemet e mbrojtjes ajrore Stinger AD SAM nga SHBA-ja dhe Starstreak nga Mbretëria e Bashkuar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm