Kryeprokurori i Prokurorisë Themelore të Ferizajt, Shukri Jashari ka konfirmuar për arbresh.info operacionin e rastit të fazës së parë për sekuestrimin e disa vilave në Brezovicë.
“Është duke u bërë identifikimi i dhe sekuestrimi në zonën e dytë ku është e ndalur rreptësishtë ndërtimi”, është shprehur ai.
Ndryshe, deri më tani që nga fillimi në rastin “Brezovica” janë arrestuar mbi 30 persona. “Keqpërdorimi i pozitës apo i autoritetit zyrtar”, “Marrje e ryshfetit”, “Dhënie e ryshfetit”, “Fajdeja” dhe “Ushtrimi i ndikimit”- janë këto veprat penale, për të cilat po hetohen biznesmenë e zyrtarë nga Prokuroria Themelore në Ferizaj. /arbresh.info/