Presidentja e Republikës së Kosovës, Vjosa Osmani-Sadriu, ka përkujtuar 25 vjetorin e protestave studentore të 1 tetorit të vitit 1997, ngjarje për të cilën tha se nisi ndryshimin e historisë.
“Në krye me rektorin Ejup Statovci, studentët nisën rezistencën kundër padrejtësisë, refuzimin kundrejt dhunës dhe qëndresën kundër tiranisë”, ka thënë Osmani, njofton Presidenca.
“25 vjet më parë, ata nisën ndryshimin e historisë. Protesta e 1 tetorit të vitit 1997, ishte paralajmërim i hershëm për lirinë. Zëri protestues i studentëve ishte thirrje kundër diskriminimit të shqiptarëve nga regjimi gjenocidal serb jo vetëm në fushën e arsimit. Në krye me rektorin Ejup Statovci, studentët nisën rezistencën kundër padrejtësisë, refuzimin kundrejt dhunës dhe qëndresën kundër tiranisë”, shprehet Osmani.
Protesta e 1 tetorit të vitit 1997 është simbolika më e fuqishme në luftën tonë për liri, tha Osmani, derisa shtoi se ajo mbetet referencë përmbajtjesore për kauzën tonë kombëtare dhe ngjarja më e shndritshme në historinë tonë më të re./arbresh.info/
Dhjetë gabime që ndikojnë në gjumin tonë dhe si t’i sh...
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...