Lideri i Lidhjes Demokratike e Kosovës, Lumir Abdixhiku është takuar sot me eurodeputetin austriak, Lukas Mandl.
Abdixhiku, përmes një postimi në rrjetin social Facebook ka thënë se miqtë e Kosovës, si Mandl, janë të rrallë.
Kryetari i LDK-së po ashtu ka theksuar se eurodeputeti austriak në çdo paraqitje të tij, flet për historinë e Kosovës, krimet e Serbisë si dhe flet për të ardhmen e Kosovës.
“Lukas Mandl, eurodeputeti austriak, është një ndër zërat më të fuqishëm të Kosovës në Parlamentin Evropian. Në Kongresin e fundit të Partive Popullore Evropiane ai madje sponsorizoj rezolutën tonë për liberalizimin e vizave për Kosovën. Rezoluta morri mbështetjen e mbi 500 delegatëve aty”, ka thënë ai.
“Në çdo paraqitje të tij, kudo nëpër Evropë, ai flet për historinë e Kosovës, krimet e Serbisë; flet për të ardhmen e vendit tonë si pak zëra tjerë nëpër Evropë”, ka vijuar kryetari i LDK-së.
“Miqtë e Kosovës, sikurse Lukas Mandl, janë të rrallë. Sot, me bashkëpunëtorë, drekuam me të në Prishtinë. Në emër të të gjithë kosovarëve, e falenderuam nga zemra për gjithë përkushtimin e treguar ndaj Kosovës dhe popullit tonë”, ka përfunduar Abdixhiku./arbresh.info/
Ferrari prezanton makinën më të fuqishme të historisë së tij
Qëndrimi i Harrisit dhe i Trumpit për Kosovën, faktorë për v...
Cilat janë përfitimet e dushit të ftohtë?
Zëdhënësi i ushtrisë izraelite: Sinwar po përpiqej të arrati...
Edon Zhegrova, i pari me driblime në Champions League
Moska, sulm hibrid Shqipërisë?