Ministri i Financave, Hekuran Murati gjatë fjalës së tij në takimin me përfaqësuesit e SBASHK-ut në Komisionin për Arsim tha se SBASHK-u është duke ju thënë se kërkesat që janë plotësuar deri më sot nga ana Qeverisë së Kosovës nuk janë kërkesa të tyre.
Sipas Muratit, nëse SBASHK-u thotë që kërkesat e plotësuara deri më sot nga ana e Qeverisë së Kosovës nuk janë kërkesa të tyre, dhe nëse për ta janë me rëndësi vlera monetare, atëherë ai kërkoi që kostoja buxhetore e kërkesave të realizuara deri më tani nga qeveria, t’i marrin dhe ta shohin mundësinë e kthimit të asaj vlere monetare në arritjen e kërkesës së tyre.
“Ndërsa sot këtu na u tha nga SBASHK-u që ato s’kanë qenë kërkesa të tyre. Nëse s’kanë qenë kërkesa e tyre, dhe të gjitha këto nuk janë të rëndësishme për SBASHK-un krejt çka është më rëndësi është vlera monetare, atëherë atë kosto buxhetore që kushtojnë ato mjete le të na thotë SBASHK-u dhe ne i marrim prej atyre alokimeve që kanë ndodh tashmë dhe shohim se sa mund të akomodohet si kërkesë, e njëjta shumë buxhetore. Mirëpo, mos të vihet dhe të na thonë që ato që janë bërë s’kanë qenë kërkesa”, tha ai.
Murati kërkoi nga sekretari i Sindikatës, Ymer Ymeri të tregoj nëse është i afërt me partitë politike.
“Në Këshillin Grevist ka anëtarë që kanë probleme me ligjin, ka anëtarë që kanë marrëdhënie të afërt me partitë politike në vazhdimësi ato që i potencoi ministrja Nagavci janë marrë parasysh, duke marrë parasysh mos largimin e 2.000 mësimdhënësve që konsideroheshin si tepricë”, tha ai./arbresh.info/
Dogana arreston dy të dyshuar, për shmangie nga detyrimet do...
Kryesia e Kuvendit të Kosovës do të mblidhet të hënën
Tiranë: 62-vjeçari vdes në rrugë
Llapi transferon Gentrit Limanin
Caktohet seanca e shqyrtimit fillestar për sulmin terrorist ...
Për tri ditë rruga Prizren-Prevallë do të mbyllet për qarkul...