Peleshi: Shqipëria e angazhuar në ndihmë të popullit ukrainas

13:26 | 21 Shtator 2022
A. B.

Ministri i Mbrojtjes në Shqipëri, Niko Peleshi përkujtoi sot Ditën Ndërkombëtare të Paqes.

Në një njoftim në rrjete sociale, Peleshi u shpreh se paqja është sot më e kërcënuar se kurrë për shkak të agresionit rus ndaj Ukrainës.

Peleshi shtoi se, Shqipëria mbetet e angazhuar së bashku me aleatët në ndihmë të popullit ukrainas.

“Dita Ndërkombëtare e Paqes duhet të shënojë një ngjarje të veçantë për të gjithë botën, por sot ajo është më e kërcënuar se kurrë për shkak të agresionit rus ndaj Ukrainës. Shqipëria mbetet e angazhuar së bashku me aleatët në ndihmë të popullit ukrainas, i cili është në të drejtën e tij të rivendosë pikërisht atë, për të cilën duhet të festonim sot; paqen”, theksoi Peleshi në një postim në rrjetet sociale.

Dita Ndërkombëtare e Paqes është themeluar nga Kombet e Bashkuara. Ajo shënohet nga qindra miliona njerëz dhe mijëra organizata më 21 shtator të çdo viti. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm