Në Bërdo afër Kranjës në Slloveni do të mbahet samiti i Procesit të Brdo-Brijunit, ku do të diskutohet për situatën në Ballkanin Perëndimor.

Në samit në mesin e homologëve nga rajoni e pranishme do të jetë edhe presidentja e Kosovës, Vjosa Osmani.

Osmani do t’i paraqesë qëndrimet e Kosovës lidhur me temat që do të trajtohen në këtë proces, përfshirë thirrjen për liberalizimin e vizave për qytetarët e Kosovës, si dhe avancimin e rrugës euroatlantike të vendit tonë.

Siç është paralajmëruar më parë, së bashku me nikoqirin e takimit, presidentin slloven Borut Pahor , pjesë e këtij samiti janë edhe presidentët e Kroacisë, Malit të Zi, Maqedonisë së Veriut, Shqipërisë dhe Serbisë, Zoran Milanoviq, Milo Gjukanoviq, Stevo Pendarovski dhe Bajram Begaj, anëtarë të Presidencës së Bosnjës, Shefik Xhaferoviq, Milorad Dodik, dhe Zheljko Komshiq dhe kreu i shtetit serb, Aleksandar Vuçiq.

Kabineti i Pahorit njoftoi në fillim të shtatorit, kur presidenti slloven ishte për vizitë në Kosovë dhe Serbi, se samiti i Procesit të Brdo-Brionit do të jetë një mundësi për të shqyrtuar situatën aktuale në Ballkanin Perëndimor dhe për t’u bërë thirrje anëtarëve dhe institucioneve të Bashkimi Evropian për të përshpejtuar procesin e zgjerimit.

Procesi Brdo-Brioni është një nismë slloveno-kroate e nisur në vitin 2010 nga Pahor, në atë kohë kryeministër slloven, me qëllim forcimin e besimit të ndërsjellë dhe bashkëpunimit rajonal dhe integrimin më të shpejtë të Ballkanit Perëndimor në BE.

E para e shtetit të Kosovës, ka arritur të dielën në Slloveni ku është pritur nga homologu slloven, Borut Pahor.

Takimi i liderëve të nismës së Procesit Brdo-Brijuni këtë herë do të jetë një mundësi për të vlerësuar situatën aktuale në rajon dhe mbi të gjitha për t’u bërë thirrje anëtarëve dhe institucioneve të Bashkimit Evropian që të përshpejtojnë procesin e zgjerimit. Udhëheqësit do të jenë gjithashtu në gjendje të shkëmbejnë pikëpamjet për çështje të tjera aktuale në një atmosferë joformale.

Iniciativa e Procesit Brdo-Brijuni u krijua në vitin 2010, kur kryeministri i atëhershëm i Sllovenisë, Borut Pahor dhe kryeministrja e atëhershme e Kroacisë, Jadranka Kosor, pas nënshkrimit të marrëveshjes për arbitrazhin mes dy vendeve, deshën të frymëzojnë liderët e Ballkanin Perëndimor me shembull dhe t’i inkurajojë ata të zgjidhin çështjet dypalëshe dhe të bëjnë përparim më të shpejtë në rrugët e integrimit në BE. Në më shumë se një dekadë, nisma e Procesit Brdo–Brijuni u vendos si iniciativa më e rëndësishme politike e këtij lloji në Evropën Juglindore, dhe Procesi i Berlinit më vonë doli prej saj.

Që nga viti 2013, çdo vit janë mbajtur takime në kuadër të nismës së Procesit Brdo-Brijuni; liderëve iu bashkuan disa herë të ftuar specialë: Presidenti i Republikës Franceze François Hollande (2013), Kancelarja e Republikës Federale të Gjermanisë Angela Merkel (2014), Presidenti Federal i Republikës së Austrisë Heinz Fischer (2015), Zëvendës Presidenti i Shtetet e Bashkuara Joe Biden (2015), Presidenti i Këshillit Evropian Donald Tusk (2015 dhe 2018), Presidenti i Republikës Italiane Sergio Mattarella (2016), Presidenti i Republikës Federale të Gjermanisë Frank-Walter Steinmeier (2017 ), Presidenti i Këshillit të BE-së Bojko Borisov (2018), Presidenti i Republikës së Polonisë Andrzej Duda (2019) dhe Përfaqësuesja e Lartë Federica Mogherini Politika e Jashtme dhe Siguria e BE-së (2019)./arbresh.info/