Roma po e bind Zaniolon për një kontratë të re dhe me rritje të ndjeshme të pagës

14:40 | 11 Shtator 2022
A. B.

Nicolo Zaniolo është talenti më i madh i Romës dhe ndër më të mëdhenjtë në Serie A.

Gjiganti italian arriti ta mbajë këtë verë në skuadër yllin e tyre, përkundër interesimit të fortë nga skuadrat si Juventus, Milan, Chelsea, PSG e Tottenham Hotspur.

23-vjeçari ndihet i lumtur në Romë, por kontrata e tij me klubin verdhekuq skadon në verën e vitit 2024 dhe palët janë në bisedime për një zgjatje deri më 2027.

Zaniolo aktualisht fiton 2,5 milionë euro neto në vit, derisa me kontratën e re pritet të marrë shumë më shumë.

Roma ka filluar negociatat me një ofertë prej 3,5 milionë euro në vit që po konsiderohet e ulët nga agjentët e lojtarit.

Gjithsesi sipas mediave italiane do të gjendet një marrëveshje dhe Roma do të ngrit ofertën deri në 4,5 milionë euro në vit për ta blinduar yllin e tyre.

Vlen të theksohet se me kontratën e re Zaniolo mund të ketë edhe një klauzolë largimi, e cili pritet të jetë mbi 100 milionë euro. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm