Sistemi i monitorimit satelitor Copernicus i Bashkimit Evropian (BE), njoftoi se këtë verë në Evropë u regjistruan temperatura në nivel rekord, transmeton Anadolu Agency (AA).
Sipas një deklarate nga Copernicus, thuhet se temperaturat u regjistruan duke u matur ” të larta në nivel rekord për gushtin dhe verën (qershor-gusht) në tërësi”.
Muaji gusht ishte muaji më nxehtë i regjistruar ndonjëherë në kontinent me një “diferencë të konsiderueshme”, duke lënë pas me 0,4 gradë celsius rekordin e mëparshëm të gushtit të vitit 2021.
Në deklaratë citohet deklarata e shkencëtares Freja Vamborg, e cila është shprehur: “Një sërë valësh e motit të nxehtë intensiv në të gjithë Evropën, me bashkimin e kushteve jashtëzakonisht të thata dhe bashkë me rekorde në aspektin e aktivitetit të nxehtësisë, thatësirës dhe të zjarrit, shkaktuan një verë plot ekstreme që prekën në mënyra të ndryshme shoqërinë dhe natyrën”.
Gjithashtu, Vamborg ka nënvizuar se të dhënat nuk janë vetëm për Evropën, por që ato tregojnë se është përjetuar gushti i përbashkët më i nxehtë i regjistruar në nivel global dhe se temperatura mesatare është 0,3 gradë celsius më e lartë nga mesatarja mujore e viteve 1991-2020.
Vendosen postera provokues për Policinë e Kosovës dhe Vetëve...
Nënshkruhen dy marrëveshje të grantit për energji efiçiente ...
Përfaqësuesi i Policisë së Kosovës merr pjesë në garat evrop...
Shqipëri/ Dhuna para Kuvendit, nën hetim 7 deputetë demokrat...
Rreziku nga përmbytjet në Shkodër, mblidhet Komisioni i Mbro...
Suhareka do bëhet me stadium të ri, komuna ndanë 13 hektarë ...