Kurti e Nagavci vizitojnë Qendren e Kompetencës në Prishtinë, fillon për herë të parë mësimi për floktari

15:25 | 7 Shtator 2022
E.H

Kryeministri i Kosovës, Albin Kurti, bashkë me ministren e Arsimit, Arbërie Nagavci, kanë vizituar Qendrën e Kompetencës “Shtjefën Gjeçovi”, në Prishtinë ku për të parën herë ka nisur mësimi dual në drejtimin e floktarisë.

Nagavci, përmes një postimi në Facebook, tha se nga drejtori i kësaj qendre, Blerim Gërvalla, u informuan se numri i nxënësve për këtë profil u plotësua që në afatin e parë për shkak të interesimit të madh.

“Po ashtu vizituam edhe njërin nga sallonet në të cilin nxënësit do ta kryejnë punën praktike përmes arsimit dual”.

“Arsimi dual po pilotohet për herë të parë nga ky vit shkollor me 5 klasë të nxënësve të klasave të 10-ta, në profilet: Floktari, Kuzhinier, Asistent i mikpritjes hoteliere dhe Murator”, ka shkruar Nagavci.

Tutje, Nagavci ka inkurajuar të gjitha bizneset që të ofrojnë mundësi për të rinjtë që të zhvillojnë mësim praktik në biznese./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm