Bazuar në Strategjinë e Integruar të Policimit të Drejtuar nga Inteligjenca dhe Policimit në Bashkësi dhe urdhrit operativ nga Drejtoria e Përgjithshme e Policisë, Drejtori Rajonal i Policisë në Ferizaj Nënkoloneli Basri Shabani ka thirrur në takim Shefat e Sektorëve Rajonal dhe komandantët e stacioneve të policisë rajonale: Ferizaj , Kaçanik , Shtime, Shtërpcë dhe Hani Elezit.

Drejtori Rajonal i Policisë, Nënkoloneli Basri Shabani para të pranishmëve prezantoi planin operativ ‘’ Siguria në shkolla’’ detyrat dhe përgjegjësit që dalin për secilin nga ky plan në parandalim të dukurive negative në shkolla.

Në këtë takim, veç tjerash Drejtori Rajonal vlerësoi dhe lavdëroi punën e mirë, aksionin e Sektorit Rajonal të Hetimeve të nisur që në dhjetor të vitit 2021 dhe inkurajoi që aktivitetet e policisë edhe këtë vit akademik të kooridinohen me komunat e Ferizajt, përkatësisht drejoritë e arsimit në identifikimin dhe kapjen e personave që prishin rendin dhe qetësinë publike rreth dhe nëpër shkolla.
Ai tha se do të angazhojë edhe pjesëtarë të policisë me rroba civile në parandalim të dukurive negative nëpër shkolla.

Gjithashtu, drejtori rajonal rekomandoi që zyrtarët policor të trajnuar të bëjnë përgatitjet e nevojshme që njëkohësisht të mbajnë ligjerata me tema të ndryshme për siguri dhe edukim në të gjitha nivelet e arsimit në rajonin e Ferizajt.

Me këtë rast Policia Rajonale e Ferizajt fton qytetarët për bashkëpunim, nëse kanë informacione rreth dukurive negative nëpër shkolla të njoftojnë menjëherë policinë, stacionin më të afërt, apo përmes aplikacionit digjital ‘’Lajmë ro Policinë ’’ dhe në numrat kujdestarë : 192 , 0290/326-250 & 0290/322-406.

Të dhënat e juaja do të ruhen në konfidencialitet të plotë dhe policia do të reagon menjëherë./arbresh.info/