Një muaj paraburgim për të miturin që ishte në mesin e pesë të dyshuarve për dhunimin e të miturës

13:40 | 29 Gusht 2022
arbresh.info

Gjykata Themelore e Prishtinës ka caktuar masën e paraburgimit prej një muaji për të miturin që ishte në mesin e pesë të dyshuarve për dhunimin e një të miture, në Prishtinë.

Lajmin e ka bërë të ditur për portalin arbresh.info zëdhënësja e kësaj gjykate, Mirlinda Gashi.

“Ju njoftojmë se lidhur me këtë rast Gjykata Themelore në Prishtinë – Departamenti për të Mitur ka caktuar masën e paraburgimit në kohëzgjatje prej një muaji ndaj një të mituri, i cili dyshohet se është i përfshirë në këtë rast”, deklaron Gashi.

Deri më tani institucionet e sigurisë kanë ndaluar vetëm dy persona, i mituri në fjalë, dhe një tjetër të moshës madhore.

Pesë persona dyshohet se dhunuan për shtatë orë një të mitur në Prishtinë, dy ditë më parë./arbresh.info/

E tmerrshme, një femër dhunohet nga pesë persona në Prishtinë

Shpërndaje në rrjete sociale

Lajmet më të lexuara

Të ngjashme

Foto lajm