Google ADS

Liverpooli po e shkatërron Bounemothuin, shënon pesë herë në 45 minutat e parë

17:21 | 27 Gusht 2022
E.H

Liverpooli e ka mbyllur pjesën e parë ndaj Bouthenmouth me rezultat 5-0, në ndeshjen e vlefshme për javën e katërt në Ligën Premier.

Me vetëm dy pikë nga tri ndeshje, The Reds u futën në ndeshje me të vetmin qëllim, fitoren.

Në minutën e tretë ishte Luiz Diaz ai që shënoi për 1-0 pas asistimit të Firminos.

I njëjti lojtar asistoi sërish pas tre minutash, kur shënoi Harvey Elliott për 2-0.

Golin e tretë në ndeshje e shënoi Tren Alexander Arnold në minutën e 28-të të ndeshjes, ku sërish asistues ishte Firmino.

Braziliani arriti të gjejë golin në minutën e 31-të për 4-0, duke treguar që Liverpooli këtë ndeshje ka vetëm një qëllim.

Krejt në kohën shtesë të pjesës së parë kishte festë edhe për Virgil Van Dijk që shënoi për 5-0.

Liverpooli do të marr tri pikët e parë në Ligën Premier këtë sezon në këtë ndeshje, ndërsa rezultati përfundimtar do të mësohet në fund të pjesës së dytë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm