Femrat morën pjesë zyrtarisht në një ndeshje të ligës iraniane për herë të parë që nga Revolucioni Islamik në vitin 1979.
Rreth 500 femra ishin në tribunat e stadiumit Azadi në Teheran, ku u luajt ndeshja e ligës vendase të enjten mbrëma.
Deri më tani, femrave e kishin të ndaluar të shkonin në stadiume kur luajnë skuadrat e meshkujve.
Ndeshja e fundit që ato mund të shikonin ishte një ndeshje kualifikuese për Kupën e Botës tre vjet më parë.
Në atë kohë, autoritetet u përkulën nën presion pas vdekjes së 29-vjeçares, Sahar Khodayari, e cila i vuri flakën vetes në pritje të gjyqit për përpjekjen për të hyrë në stadium e maskuar si burrë.
Khodayari u bë e njohur si “Vajza Blu” për shkak të ekipit që ajo mbështeste dhe u bë simbol i luftës për të drejtat e grave në Iran.
Mediat iraniane raportuan se vendimi për të lejuar gratë të marrin pjesë në ndeshjen e së enjtes erdhi pasi FIFA u dërgoi një letër autoriteteve iraniane duke u kërkuar atyre që të lejonin gratë në stadium.
Ndalimet e këtij lloji janë kundër statuteve ndërkombëtare të futbollit.
Femrat që erdhën në ndeshjen mes Estaqlal dhe Mesa-e Kerman u ulën veçmas nga meshkujt.
Shumë prej tyre valëvitën flamuj, mbanin ngjyrat e klubit dhe brohorisnin “Vajza blu” për nder të Khodayara./Telegrafi/
Një mbretëri e fshehur virusesh jeton në zorrët tona
Kusari-Lila thotë se Qeveria Kurti ia çjerri maskën Vuçiqit ...
Sinani: Nga nesër nis grumbullimi i qenve endacak në Preshev...
Rama takim nesër me kryebashkiakët socialistë dhe drejtuesit...
Flick ka katër opsione për ta zëvendësuar Olmon e lënduar nd...
I dyshuari për atentat ndaj Trumpit akuzohet për dy vepra pe...