Pep Guardiola ka dhënë disa komente lidhur me lojtarin Bernardo Silva dhe lidhjet e lojtarit me Barcelonën, pasi Xavi Hernandez shprehu haptazi pëlqimin për lojtarin.
Trajneri i Manchester City ka thënë se mesfushori portugez ka një simpati për skuadrën e Barcelonës, derisa Xavi tha se e do portugezin si lojtar.
Këto komente vijnë pas shumë spekulimeve se Bernardo mund t’i bashkohet Barcës. Por, një opsion i tillë duket se tashmë është mbyllur, ndonëse pëlqimi është akoma aty.
“Unë e dua Bernardon si lojtar. Ai kupton gjithçka dhe ka aftësi të jashtëzakonshme për të marrë vendime. Është lojtar i rëndësishëm për Pep dhe ai bën diferencën në fushë”, ka thënë Xavi.
Komenteve për portugezin iu bashkua edhe Pep Guardiola.
“Ne e duam Bernardon me ne, por unë nuk dua që dikush të mos jetë i lumtur. Gjëja e parë do të duhej të ishte një marrëveshje mes dy klubeve”, ka thënë Guardiola.
“Është e vërtetë që Bernardos i pëlqen Barcelona”, shtoi trajneri i City.
Ditë më parë, shefi ekzekutiv i Man City, Soriano kishte hedhur poshtë mundësinë që Bernardo të largohej nga City në fund të afatit kalimtar.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...