E pret në zyrë boksierin Florian Marku, Rama: O me meksikanin, o me Florianin

15:34 | 23 Gusht 2022
E.H

Kryeministri i Shqipërisë, Edi Rama, e ka pritur sot boksierin e mirënjohur, Florian Markun, në zyrën e tij.

Të enjten MArku do të ndeshet në “Air Albania” me meksikanin Miguel Parra Ramirez, ku synon gjerdanin e madh të kampionit të kategorisë sipërore WBC.

Rama në rrjetin social Facebook e ka postuar një video, ku shihet së bashku me Markun duke shkëmbyer dhurata.

Ai ka treguar se të enjten fizikisht nuk do të jetë në Tiranë, por u ka bërë thirrje qytetarëve që ta përcjellin ndeshjen.

“O me meksikanin, o me Florianin”, dëgjohet duke thënë kryeministri shqiptar, gjë që e bën boksierin të qesh.

Kujtojmë se Florian Marku sot gjatë ditës është pritur në takim edhe nga ministrja e Arsimit dhe Sportit në Shqipëri, Evis Kushi./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm