Punonjësit e sindikatës në Hekurudhat, Detin dhe Transportin (RMT) që punojnë në sistemin e metrosë së Londrës kanë hyrë në grevë për shkak të pagave dhe pensioneve, transmeton Anadolu Agency (AA).
Shumica e linjave të metrosë u pezulluan dhe shërbimet e autobusëve në Londrën perëndimore dhe jugperëndimore po ashtu u ndërprenë për shkak të grevës së posaçme për paga.
Punonjësit e hekurudhave ishin në grevë dje dhe sërish do të jenë të shtunën.
Vala e veprimeve industriale vjen mes një krize të përshkallëzuar të kostos së jetesës të shkaktuar nga inflacioni dyshifror në Mbretërinë e Bashkuar.
Sekretari i Transportit, Grant Shapps, për ‘Sky News’ tha se shefat e sindikatave duhet “të largohen nga rruga” dhe të lejojnë anëtarët të votojnë për marrëveshjet e reja të pagave që po propozohen.
Kreu i Bashkisë së Londrës, Sadiq Khan, nga ana e tij, tha se mënyra se si po sillet qeveria është pothuajse sikur po provokojnë qëllimisht greva në të gjithë vendin, “jo vetëm në sektorin e transportit, por edhe në sektorë të tjerë, si një pararendës për legjislacionin për të kufizuar të drejtat e sindikatave për të dalë në grevë”.
Khan tha se ai është në të njëjtën anë me RMT-në dhe se dëshiron t’i shoh ata të sigurojnë marrëveshjen më të mirë të mundshme.
Ndërkaq, sekretari i përgjithshëm i RMT-së, Mick Lynch, tha se nuk kanë marrë ndonjë marrëveshje nga autoritetet e metrosë së Londrës për të ardhmen e skemës së pensioneve, e cila sipas tij është nën kërcënim.
“Për momentin ka negociata që po zhvillohen midis qeverisë, Sekretariatit të Thesarit dhe zyrës së kryetarit Khan për financimin e ardhshëm të metrosë së Londrës”, tha Lynch.
Shefi operativ i Transportit për Londrën, Andy Lord, tha se “do të doja t’u kërkoja falje klientëve tanë për aksionin e grevës që po kryhet nga RMT-ja dhe Sindikata”, gjë e cila sipas tij do të ketë një ndikim të rëndësishëm në rrjetin e transportit të qytetit”.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...