Drejtori i Policisë së Shtetit në Shqipëri, Geldis Nano ka pezulluar nga detyra policen Anisa Kostani.
Policia njofton se Kostani nëpërmjet një postimi në rrjetet sociale ka fyer gazetarët, me pretendimin se gazetarët po përbaltin punën e Drejtorisë Vendore të Policisë Elbasan.
“Sqarojmë opinionin publik se mendimet dhe opinionet personale të punonjësve të Policisë nuk përfaqësojnë në asnjë rrethanë, mendimet dhe opinionet e organizatës së Policisë së Shtetit, e cila ka një sektor të posaçëm, përmes të cilit komunikon zyrtarisht me median dhe publikun. Policia e Shtetit është e bindur dhe e vendosur për të krijuar një marrëdhënie partneriteti dhe oponence me median, bazuar në respektin reciprok dhe në të vërtetën”, thuhet në reagimin e policisë.
Gjithçka nisi nga një reagim i bërë nga një gazetare në rrjetet sociale për policinë e Elbasanit.
Më pas erdhi një reagim nga policja, e cila i quajti gazetarët “të degjeneruar” dhe “pseudogazetarë”, që në shkrimet e tyre nuk shpalosin asgjë tjetër përveç injorancës dhe inatit personal. /arbresh.info/
Horoskopi, çfarë parashikojnë yjet për shenjën tuaj
Moti në Shqipëri me vranësira mesatare dhe kthjellime ne lin...
“Jam që 48 vite në futboll” – deklarata e Ancelottit pas El ...
10 ushqimet ideale që duhet të konsumohen në mëngjes
Moti sot me diell
Osteoporoza, shtohet një tjetër faktor rreziku