Dënim i përjetshëm për gjermanin që vrau 6 persona në një sulm me veturë

07:54 | 17 Gusht 2022
K.B

Një burrë i cili vrau 6 persona ndërsa ngiste makinën mes një turme këmbësorësh në një qytet gjerman në vitin 2020 do të dënohet me burgim të përjetshëm.

Gjykata rajonale në Trier, dënoi Bernd Weimann, 52 vjeç dhe shtoi si pjesë të dënimit detyrimin për t’iu nënshtruar trajtimit psikiatrik.

Ai vrau 6 persona, duke përfshirë një foshnjë dhe plagosi shumë të tjerë.

Gjatë gjyqit njëvjeçar, prokurorët argumentuan se i pandehuri e kishte planifikuar sulmin me qëllim “të vriste ose plagoste sa më shumë njerëz”.

Në momentin e sulmit, hetuesit thanë se ai ishte nën efektin e alkoolit dhe kishte drejtuar makinën e tij në një model “zig-zag” në turmë./Euronews.al/

Shpërndaje në rrjete sociale

Lajmet më të lexuara

Të ngjashme

Foto lajm