Kina vendosi sanksione të martën ndaj shtatë zyrtarëve dhe ligjvënësve tajvanezë që i akuzoi si të pabesë që duan pavarësi nga Pekini.
Sanksionet vijnë pasi kryetarja e Dhomës së Përfaqësuesve të SHBA Nancy Pelosi vizitoi Tajvanin këtë muaj, një udhëtim që Kina tha se kishte dërguar një sinjal të gabuar për ato që i konsideron si forca pro-pavarësisë, shkruan Reuters.
Zyra e Çështjeve për Tajvanin në Kinë tha se mes të sanksionuarve ishin ambasadori de fakto i Tajvanit në Shtetet e Bashkuara, Hsiao Bi-khim, Sekretari i Përgjithshëm i Këshillit të Sigurisë Kombëtare të Tajvanit, Wellington Koo dhe politikanë nga Partia Demokratike Progresive në pushtet në Tajvan.
Një zëdhënës u shpreh tha se të sanksionuarit nuk do të mund të vizitojnë Kinën, Hong Kongun dhe Makaon.
Firmat dhe investitorët e lidhur me to gjithashtu nuk do të lejohen të ushtrojnë aktivitetin e tyre në Kinë.
Të hënën, një delegacion i kongresit të SHBA-së i kryesuar nga senatori demokrat nga Massachusetts Ed Markey mbërriti në Taipei për një vizitë dy-ditore.
Ky është delegacioni i dytë që viziton Tajvanin, pas atij të kryesuar nga Kryetarja e Dhomës së Përfaqësuesve të SHBA, Nancy Pelosi./euronews.al/
Ministri i Jashtëm i Sllovakisë: S’e njohim Kosovën, është s...
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...