Google ADS

Fifi pyet krerët e shtetit të Shqipërisë: A mund të bëhem nënshtetase shqiptare ndonjëherë?

12:49 | 11 Gusht 2022
A. B.

Këngëtarja e njohur, Fifi po vazhdon të jetë aktive me koncerte të shumta gjatë kësaj sezone verore.

Por, krahas kësaj këngëtarja është po ashtu duke punuar për projekte të reja muzikore dhe një të tillë ajo e ka drejt finalizimit, shkruan arbresh.info

Fifi tash e shtatë vite që jeton në Shqipëri ka një kërkesë publike për krerët e shtetit shqiptar.

Në një shkrim të publikuar në InstaStory, Fifi ka kërkuar që të pajiset me pasaportë shqiptare – kërkesë të cilën ia ka drejtuar presidentit Bajram Begaj, kryeministrit Edi Rama, kryetarit të Tiranës Erion Veliaj dhe Ministres së Kulturës, Elva Margariti.

“Si një vajzë shqiptare nga Kosova që veproj e jetoj tash e shtatë vite në Shqipëri dhe dua fort të pajisjem me pasaportën shqiptare me shqiponjë… A mund të ndodhi që të bëhem nënshtetase shqiptare ndonjëherë?”, ka pyetur Fifi.

Ndërkohë, kujtojmë që aktualisht Fifi po shijon suksesin e një tjetër bashkëpunimi me reperin Gjiko. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm