Trafikantët po mashtrojnë emigrantët nga Shqipëria që të shkojnë drejt Britanisë përpara se të zgjidhet kryeministri i ri, është ky artikulli i shkruar në median britanike ‘The Sun’ dhe jo vetëm.
Ata u thonë emigrantëve se një udhëheqës i ri do të ndalojë të gjitha kalimet me një armatë patrullash.
Kontrabandistët kanë ulur çmimin deri në 2 000 £ për person, krahasuar me 10 000 £ në muajt e kaluar. Ndërkohë çmimet për kalimin e fshehur në një kamion janë rreth 22 000 £.
Zbulimet vijnë pasi një raport i inteligjencës zbuloi se katër në dhjetë persona që mbërrijnë në Britani me varka të vogla janë nga Shqipëria. Nëntë banda u morën me kalimin e 2 863 emigrantëve nga 1 qershori deri më 12 korrik. Prej tyre, 1 075 ishin shqiptarë.
Një burim për mediat britanike u shpreh se shqiptarëve u thuhet se qindra njerëz do të patrullojnë Kanalin, gardhe do të ruajnë bregdetin, se ata do të kthehen dhe do të humbasin paratë e tyre.
Deputetja Natalie Elphicke tha se kryeministri i ri duhet t’i shohë vendkalimet si një “prioritet kyç”. Madje, disa deputetë britanikë u bënë thirrje ministrave që të dyfishojnë përpjekjet e tyre për të deportuar emigrantët në Ruandë.
Sekretarja e Brendshme Priti Patel është shprehur se “postimet në mediat sociale të përdorura nga kontrabandistët që promovojnë kalimet e paligjshme janë krejtësisht të papranueshme”.
Ajo ka shtuar se askush nuk duhet të vërë në dyshim vendosmërinë e qeverisë për të thyer modelin e biznesit të bandave kriminale./zhurnal/
“Unë dhe Meta, çdo gjë e kemi arritur vetë”/ Kryemadhi: Do m...
Brenda tetë muajve përfundon tuneli në Kurriz, Rama: Projekt...
Geci: Vëllait i kanë ndodhur disa raste të improvizuara nga ...
Qeshja e Thaçit me dëshmitarin Fadil Geci, Endriti e poston ...
Presidenti Begaj vizitë zyrtare në Bosnje dhe Hercegovinë, p...
Neymar pas rikthimit: Fluturat në stomak para lojës janë gji...