Zgjedhja e gjeneralit si nënkryetar i Kuvendit të Serbisë, vjen reagimi nga zyra e Konjufcës

15:03 | 3 Gusht 2022
A. B.

Ilir Kërçeli, shef i kabinetit të kryetarit të Kuvendit, Glauk Konjufca, ka reaguar pasi Bozhidar Deliq ëshë zgjedhur nënkryetar i Kuvendit të Serbisë.

Deliq Ish-komandanti I Brigadës së 549 të Ushtrisë së Jugosllavisë është i akuzuar për krime lufte në Kosovë.

“Se a dëshiron Serbia marrëveshje me Kosovën, tregojnë veprimet e mesazhet e njëpasnjëshme që i dërgon anëtari i qeverisë se kasapit të Ballkanit Vuçiq”, ka shkruar Kërçeli në Facebook.

“Zgjedhja e komandantit Delic i cili mori pjesë në sulmet në Kosovë të ushtrisë jugosllave si nënkryetar te parlamentit të Serbisë është veç mesazhi i radhës se politikat e Millosheviqit admirohen e fuqizohen edhe në shekullin 21”, ka mbaruar postimi i tij.

E zgjedhja e tij nga deputetët që shumica prej tyre janë pjesë e partisë së Aleksandër Vuçiqit, vjen në një kohë kur në Veriun e Kosovës kishte tensione.

Pikërisht ato tensione rezultuan pas disa deklaratave që Vuçiq i dha mesditën e së dielës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm