Protokollet për anëtarësimin e Finlandës dhe Suedisë në Aleancën Veriatlantike (NATO) sot do të hyjnë në procedurë parlamentare në Kuvendin e Maqedonisë së Veriut dhe pritet të ratifikohen gjatë kësaj jave.
Për sot është caktuar seanca e komisionit parlamentar të vendit për politikën e jashtme, ndërsa seanca plenare në të cilën do të votohen protokollet për hyrjen e Finlandës dhe Suedisë në NATO është caktuar për të mërkurën e 27 korrikut në mesditë.
Qeveria e Maqedonisë së Veriut, si anëtarja e 30-të e NATO-s, më 17 korrik, në procedurë parlamentare, ka dorëzuar projektligje të veçanta për ratifikimin e protokollit për anëtarësimin e Mbretërisë së Suedisë dhe Republikës së Finlandës në Traktatin e Atlantikut të Veriut, për të krijuar parakushte formale dhe ligjore që këto dy vende të hyjnë në paktin më të madh ushtarako-politik në botë.
Kryeministri Dimitar Kovaçevski dhe anëtarët e Qeverisë, siç u njoftua atëherë, haptazi e përkrahën iniciativën e Suedisë dhe Finlandës për anëtarësim në NATO dhe tashmë në maj Qeveria në Shkup dha pëlqimin për pranimin e Finlandës dhe Suedisë.
“Republika e Maqedonisë së Veriut i dha mbështetje të plotë politikës së dyerve të hapura të NATO-s, duke mbështetur zgjerimin e saj të mëtejshëm, si dhe anëtarësimin e Suedisë dhe Finlandës në Aleancën Veriatlantike, duke e vlerësuar atë si një hap dhe kontribut të rëndësishëm për forcimin e sigurisë dhe stabilitetit në Evropë pas luftës së pajustifikuar, sulmit të Federatës Ruse ndaj Ukrainës”, theksoi Qeveria.
Osmani dhe kongresisti Torres flasin për zhvillimet në Kosov...
Hynë ilegalisht nga Serbia në Kosovë, policia ndalon tre ser...
Policia e Ferizajt shqiptoi mbi 1300 gjoba brenda një javë, ...
43 aksidente bre 24 orëve, policia shqiptoi afro 2 mijë gjob...
Arrestohen dy të dyshuar për disa vjedhje në Fushë Kosovë, k...
Shtiu me armë zjarri, arrestohet i dyshuari në Vushtrri