Presidentët e Polonisë dhe Lituanisë kanë theksuar gatishmërinë e vendeve të tyre për të ofruar mbrojtje në zonën kufitare me enklavën ruse të Kaliningradit, e cila shtrihet mes dy fqinjëve të BE-së.
“Shumë njerëz sot do të pyesnin nëse rajoni, i quajtur “Hendeku Suwałki” nga NATO, është i sigurt”, tha presidenti i Polonisë, Andrzej Duda të enjten pas vizitës së Divizionit Shumëkombësh Veri-Lindje në Szypliszki, Poloni.
“Është e sigurt dhe kjo është për shkak të asaj që mund të vëzhgoni këtu sot: shërbimi i përditshëm, i qetë por absolutisht vigjilent i ushtarëve polakë, lituanezë dhe të NATO-s”, tha Duda.
“Me përforcimin e planifikuar të krahut lindor të NATO-s, numri i ushtarëve të vendosur në rajon do të rritet nga 40 000 në 300 000”, tha ai.
NATO e quan korridorin në territorin polak dhe lituanez midis Bjellorusisë dhe Kaliningradit “Hendeku Suwałki”. Duke marrë këtë korridor, Rusia mund të shkëpusë shtetet baltike nga vendet e tjera të NATO-s. Korridori mban emrin e qytetit polak të Suwałki./atsh/
O’Brien: Themelimi i Asociacionit, hap i rëndësishëm
Hoti: Nga janari 2025, tatimi në pronë rritet deri në trefis...
Ambasadori Rohde konstaton përfundimisht se Kosova, është nj...
Arrestohet i dyshuar katërt për ‘’Rrëmbim’’ në Gjilan, ishte...
Vdes një 33 vjeçar dhe lëndohen dy të tjerë në një aksident ...
Brenda një jave, u realizuan 83 urdhëresa për vepra penale d...