Presidenti rus, Vladimir Putin, ka deklaruar se “Rusia ende nuk e ka filluar luftën seriozisht në Ukrainë”.

“Të gjithë duhet ta dinë, se ne ende nuk e kemi filluar asgjë serioze”, tha Putin në takimin e sotëm me krerët e grupeve partiake në Dumën e Shtetit, shkruan Ria, transmeton portal arbresh.info

“Kohët e fundit, në Perëndim janë dëgjuar deklarata se Rusia duhet të mposhtet në fushën e betejës në Donbass – le të provojnë,” tha presidenti rus Vladimir Putin.

“Sot dëgjojmë se duan të na mposhtin në fushën e betejës. Çfarë mund të themi, le të provojnë. Ne kemi dëgjuar tashmë shumë herë se Perëndimi dëshiron të luftojë me ne deri në ukrainasin e fundit”, tha udhëheqësi rus.

Siç vlerësoi ai, është një tragjedi për popullin ukrainas, “por, me sa duket, gjithçka po shkon drejt kësaj”.

“Të gjithë duhet ta dinë se ne ende nuk filluar asgjë serioze. Për më tepër, ne nuk refuzojmë as negociatat e paqes. Por ata që refuzojnë duhet ta dinë se me kalimin e kohës, do ta kenë më të vështirë të negociojnë me ne”, tha lideri rus.

Ai theksoi se luftën në Ukrainë e nisi Perëndimi kolektiv, i cili është fajtor për atë që po ndodh sot./arbresh.info/