Zëvendëskryeministri për Integrime Evropiane në Maqedoni të Veiut, Bojan Mariçiq ka përsëritur mendimin e tij për propozimin francez.
Ai ka ritheksuar se është arritje e madhe që po mbrohet gjuha maqedonase në propozimin e modifikuar dhe se ajo tashmë do të njihet nga i gjithë Bashkimi Evropian.
“Qëllimi ynë në këtë proces ishte të mbrojmë statusin e gjuhës maqedonase në Bashkimin Evropian dhe jo ta bindim Bullgarinë që të ndryshojë qëndrim. Qëllimi ishte që të mos ketë ndikim në aspektin gjuhësor për qëndrimin e BE-së”, tha Mariçiq.
Sipas Mariçiqit, miratimi i propozimit francez duhet të ndodh pasi duhet gjetur një zgjidhje kompromisi që do të mbyllte të gjitha çështjet e hapura, e poashtu do të siguronte ruajtjen e gjuhës maqedonase.
“Mendoj se është bërë një analizë e mirë dhe jo rastësisht kemi theksuar se qëndrimet tona janë marrë nga përvojat e shumë vendeve anëtare të BE-së, të cilat më pas janë shfrytëzuar gjatë bisedimeve me Bullgarinë, për të arritur një zgjidhje kompromisi”, u shpreh Mariçiq.
Ndërkohë, propozimi francez pritet të miratohet sot nga qeveria e Maqedonisë për të kaluar më pas në seancë parlamentare.
Sondazhet paraprake: Social-Demokratët me epërsi të lehtë nd...
Paqartësi rreth Procesit të Berlinit, Kosova kushtëzohet nga...
Rashica gjen golin e parë në edicionin e ri me Besiktasin
Peci bën homazhe tek ish-profesorët e tij që u vranë në ’98-...
Sovraniteti i Urdhrit Bektashi/ Selia Botërore e Bektashinjv...
Roma shënon fitoren e parë në Serie A këtë edicion