Drejtoria Rajonale e Policisë së Kosovës, Stacioni Policor në Gjilan ka pranuar një informatë për të shtëna me armë zjarri në një rrugë në qytetin e Gjilanit, thuhet në një komunikatë.

Njësiti i reagimit të shpejt me urgjencë kane dalë në vend të ngjarjes nga ku janë dëgjuar të shtënat me armë zjarri.

Është arritur të identifikohet lokacioni i saktë, është lokalizuar dhe rrjedhimisht është arrestuar i dyshuari shtetas i Republikës së Kosovës D.K. (2003).

I dyshuari në vendin e ngjarjes ka tentuar për ta fshehur armën duke e hedhur nga automjeti që e drejtonte.

Zyrtarët policor kanë arritur që të e gjejnë armen e tipit Zoraki M 906, Cal .9mm, si dhe dy fishkë të pa shkrepur të armës përkatëse të cila janë konfiskuar si prova materiale.

Gjate intervenimit në këtë lokacion nga njësiti në fjalë është arritur të gjenden edhe një thikë dhe një shufër metalike të cilat po ashtu janë konfiskuar.

I dyshuari është intervistuar në prani të avokatit mbrojtës, dhe me urdhër të Prokurorit të Shtetit ndaj ti caktohet masa e ndalimit për 48 orë.

Rasti me kallëzim penal “Mbajtja në pronësi, kontroll ose posedim të paautorizuar të armëve” dhe ,, Përdorimi i armës apo mjetit të rrezikshëm’’ dërgohet në PTh Gjilan./abresh.info/