LAJMI I FUNDIT/Vetura godet dy vajza në Prishtinë, policia jep detaje

23:16 | 28 Qershor 2022
L G

Dy vajza kanë mbetur të lënduara pasi janë goditur nga një veturë, derisa po kalonin rrugën “Agim Ramadani” në Prishtinë.

Zëdhënësi i Policisë së Kosovës për rajonin e Prishtinës, Agron Borovci tha për arbresh.info se aksidenti ka ndodhur rreth orës 22:00 dhe në këtë aksident janë përfshirë një veturë dhe dy këmbësore.

“Rreth orës 22:00, është raportuar për një aksident trafiku të ndodhur në rrugën “Agim Ramadani” në Prishtinë. Nga informatat e para bëhet e ditur se në aksident janë përfshirë një  veturë dhe dy këmbësore,  të cilat kanë pësuar lëndime trupore”, tha Borovci.

Të lënduarave sipas Borovcit u është ofruar trajtimi i  nevojshëm mjekësor.

Njësia rajonale e trafikut ka dalë në vendin e ngjarjes dhe ka nisur një hetim lidhur me  rrethanat e këtij aksidenti./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm