Të mërkurën në rend dite tërheqja e Trusti, Tahiri: Veteranët, kauzë që duhet të bashkojë pozitë e opozitë

12:32 | 20 Qershor 2022
arbresh.info

Shefi i Grupit Parlamentar të Partisë Demokratike të Kosovës, Abelard Tahiri, bëri të ditur se në seancën plenare të së mërkurës do të shqyrtohen ndryshimet ligjore në lidhje me tërheqjen e Trustit.

“Në seancën e të mërkurës do të shqyrtohen ndryshimet për tërheqjen e 30% të Trustit. Nuk do të ndalemi nëse është nevoja edhe deri në Gjykatë Kushtetuese. Prekë 695 kontributpagues, dhe ndikon direkt në  mirëqenien e qytetarëve. Pozita, presim të reflektojë në gjendjen e rënduar të qytetarëve”, deklaroi Tahiri pas mbledhjes së kryesisë.

Ai ka folur edhe në lidhje me pensionet e veteranëve, dhe kërkesën për rritje në lartësinë e pagës minimale.

“Në asnjë rrethanë nuk duam që çështjen e veteranëve ta shndërrojmë në një kauzë politike, por do të duhej të jetë kauzë që bashkon pozitën dhe opozitën. Shpresojmë që ky dialog të përfundojë me një dakordim me të cilin do të ndaheshin të kënaqur veteranët”, deklaroi Tahiri./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm