Google ADS

Regjistrohet rasti i parë i Lisë së majmunëve në Serbi

15:56 | 17 Qershor 2022
E.H

Instituti për Shëndet Publik në Serbi njoftoi se është regjistruar rasti i parë i konfirmuar i lisë së majmunëve.

Diagnostifikimi laboratorik u krye në Institutin e Virologjisë, Vaksinave dhe Serumeve Torlak.

Siç thuhet, Instituti kompetent territorial për shëndetin publik ka kryer hetim epidemiologjik të rastit dhe janë kryer të gjitha masat e evidentimit, testimit, raportimit dhe kontrollit të përhapjes së mëtejshme të infeksionit, sipas udhëzimeve metodologjike të ekspertëve, shkruan gazeta Blic, transmeton arbresh.info.

Në përputhje me Rregulloret dhe Protokollet Ndërkombëtare të Shëndetit, rasti i parë i konfirmuar u raportua në institucionet ndërkombëtare shëndetësore.

Kujtojmë se simptomat e Lisë së majmunëve janë kryesisht ethe, dhimbje koke, dhimbje trupi dhe dobësi, ndërsa pas rreth dy ditësh shfaqen skuqje dhe plagë në fytyrë, këmbë dhe duar./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm