Rama për Di Caprion: U bë i gjallë për të goditur qeverinë, jo për ta mbështetur

01:17 | 14 Qershor 2022
Trina Galanxhi

Kryeministri Edi Rama foli sot për projektin e shpalljes së lumit Vjosa Park Kombëtar. Gjatë fjalës së tij ai kujtoi edhe reagimet e bëra nga aktori i famshëm Leonardo Di Caprio në lidhje me mbrojtjen e lumit Vjosa.

Teksa prezantonte vendimin e qeverisë për ta shpallur Vjosën Park kombëtar, Rama deklaroi se aktori amerikan u bë i gjallë vetëm për të goditur qeverinë, ndërkohë që nuk reagon tani që qeveria merr një vendim në përputhje me kauzën e tij.

“Më kanë shënuar diçka këtu për Leonardo Di Caprion pasi u bë i gjallë për të goditur qeverinë, por nuk u bë i gjallë për të mbrojtur qeverinë. Tani qeveria po bën atë që atij i kishin thënë që nuk kishim ndërmend ta bënim, por që ndërkohë ne po e bëjmë. E ka shok të mirë Ministrja e Turizmit, prandaj nuk po i bie më shumë. Mbase këto goditje do t’i shkojnë në vesh, pasi mund ta kishim lajmëruar dhe nuk do t’i vente në vesh fare. Mbase duke e sharë pak do t’ia kapi veshi Nardit”,-tha Rama./Opinion.al

Shpërndaje në rrjete sociale

Lajmet më të lexuara

Të ngjashme

Foto lajm