Abdixhiku: Në këtë krizë të paprecedentë, mosveprimi është krim

11:12 | 13 Qershor 2022
arbresh.info

Kreu i Lidhjes Demokratike të Kosovës, Lumir Abdixhiku, e ka cilësuar si ‘krim’ mosveprimin nga ana e qeverisë në lidhje me krizën e paprecedentë me çmime.

“Sot, bëhen 100 ditë nga propozimi ynë i parë për reduktim të akcizës në derivate e reduktim të TVSH-së në produkte esenciale. Ky propozim është refuzuar e po refuzohet nga pushteti arrogant i Kurtit. Çmimi i naftës këtë mëngjes shënon rekord të ri prej 1.90 eurove për litër; derisa inflacioni i gjithëmbarshëm ka arritur në plot 13%. Në këtë krizë të paprecedentë, mosveprimi është krim”, shkruan Abdixhiku.

Ai paralajmëron, se sot do të dorëzojnë në Kuvend kërkesën për debat parlamentar dhe rezolutën me kërkesë të njëjtë si 100 ditë më parë.

“Po të vepronim me kohë, papërballueshmëria jonë do të ishte më e lehtë, po s’vepruam sot, do të bëhet edhe më e thellë”, shkruan tutje Abdixhiku./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm