Kryeministri i Republikës së Kosovës, Albin Kurti ka komentuar vizitën e Kancelarit të Gjermanisë, Olaf Scholz në Kosovë.
Ai e ka cilësuar këtë si vizitë historike, shkruan arbresh.info.
Kurti përmes një postimi në Facebook shkruan se pati nderin të bisedojë sy më sy me Kancelarin gjerman.
“Pata kënaqësinë e veçantë që në vizitën e parë të një kancelari gjerman në Qeverinë e Republikës së Kosovës, ta mirëpres Kancelarin Scholz në Aeroportin “Adem Jashari”, të parakalojmë bashkë në ceremoninë pritëse me nderime të larta shtetërore, të bisedojmë në një takim tête-à-tête, të diskutojmë me delegacionet tona shtetërore, dhe t’i drejtohemi popullit të Republikës nëpërmjet një konference të përbashkët për media”, shkruan Kurti.
Kjo vizitë, sipas tij, përveç që është e para që nga shpallja e pavarësisë, tregon edhe marrëdhëniet e forta mes Kosovës dhe shtetit gjerman.
“Vizita e sotme e kancelarit gjerman ishte historike. Përveçse e para e tillë që nga shpallja e pavarësisë, ishte dëshmi e marrëdhënieve tona të forta si dy vende partnere dhe aleate për njëra-tjetrën, të lidhura me vlera të përbashkëta të lirisë dhe demokracisë, në një moment përcaktues për rajonin dhe kontinentin tonë”, tha Kurti.
Ndërkohë, pas vizitës në Kosovë, kancelari gjerman pritet të vizitojë Beogradin, Selanikun, Shkupin për të përfunduar në Sofje vizitat e tij në Ballkan. /arbresh.info/
Kapen mbi 200 kg kokainë në Itali, në pranga 3 shqiptarë
Osmani udhëtoi për vizitë pune në Gjermani, takohet me Presi...
4 arsye përse nuk duhet ta teproni me bukën
Shpërthen virusi i rrezikshëm, 6 të vdekur deri tani-Transme...
Bora dhe Peja mbyllin xhiron e tretë në elitën e basketbolli...
Prej tre ditësh në flakë, situata me zjarret në Greqi ende p...