Google ADS

Thellohet bilanci i aksidentit në Fier: 3 të vdekur dhe 3 të plagosur

00:02 | 10 Qershor 2022
Trina Galanxhi

3 janë jetët që u shuan mbrëmjen e kësaj të enjteje në aksidentin e rëndë të ndodhur në aksin rrugor Levan-Tepelenë.

Tv Klan raporton se Fatbardha Lelaj nuk ka mundur të mbijetojë dhe ka ndërruar jetë në spital, ku ndodhej në gjendje të rëndë për jetën.

53-vjeçarja udhëtonte me bashkëshortin e saj 54-vjeçar Sokrat Lelaj, punonjës i Forcave të Ndërhyrjes së Shpejtë dhe të ëmën e saj 78-vjeçare Bylyre Salaj, kur u përplasën me një tjetër makinë. Efektivi dhe nëna e gruas gjetën vdekjen në vendin e ngjarjes.

Ngjarja e rëndë ndodhi rreth orë 20:20 pranë fshatit Buzëmadh të Fierit.

Efektivi i FNSH u përplas me një tjetër makinë që drejtohej nga një 43-vjeçar. Ky i fundit udhëtonte me bashkëshorten dhe vajzën e tyre 6-vjeçare. Të tre këta të fundit mbetën të plagosur.

Sa i përket shkaqeve të aksidentit të rëndë, dyshohet se ai ndodhi si pasojë e një parakalimi të gabuar dhe lagështisë në rrugë./tvklan.al

Shpërndaje në rrjete sociale

Lajmet më të lexuara

Të ngjashme

Foto lajm