Lëndohet rëndë në vendin e punës, prizrenasin e goditën panelet solare

09:56 | 7 Qershor 2022
A. B.

Policia e Kosovës ka njoftuar se një person në Prizren ka pësuar lëndime trupore sa ishte në vendin e punës.

Kjo pasi panelet solare i shkëputi nga kulmi i një objekti, era e fortë, shkruan arbresh.info

Policia njofton se viktima në gjendje të rëndë është dërguar për trajtim mjekësor në QKUK.

“Tranziti i vjetër, Prizren 06.06.2022 – 16:00. Si pasojë e erërave të forta janë shkëputur nga kulmi i një objekti disa panele solare të cilat e kanë goditur viktimën mashkull kosovar derisa ishte në vendin e tij të punës duke i shkaktuar kështu lëndime trupore. Viktima në gjendje të rëndë është dërguar për trajtim mjekësor në QKUK. Lidhur me rastin është njoftuar prokurori si dhe inspektorati i punës”, thuhet në raport. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm