6 muaj pas largimit nga politika, Angela Merkel, thyen heshtjen dhe rikthehet në vëmendjen publike me një fjalim në Berlin.
Ish kancelarja gjermane shprehu solidaritet me Ukrainën e sulmuar nga Rusia dhe mbështetje për të drejtën e vendit për vetëmbrojtje. Ky ishte një koment i rrallë i ish lideres gjermane, e cila shumë pak herë ka folur për konfliktin në Ukrainë.
Ajo tha se mbështet të gjitha përpjekjet e qeverisë gjermane, Bashkimit Europian, Shteteve të Bashkuara të Amerikës, NATO-s, G7-ës dhe Kombeve të Bashkuara për t’i dhënë fund asaj që e konsideroi “një luftë barbare agresioni nga ana e Rusisë”.
Merkel shtoi se sulmi i Moskës është një shkelje e rëndë e të drejtës ndërkombëtare. Ajo foli edhe për shkeljet e të drejtave të njeriut duke thënë se “masakrat në Bucha e paraqesin më së miri tmerrin që ka ndodhur në Ukrainë.
Merkel nënvizoi rëndësinë e unitetit brenda BE-së duke rikujtuar se paqja dhe liria nuk duhet të merren kurrë si të mirëqena./A2CNN
Tjetër shpërthim në Libanin jugor, Izraeli zotohet të godas ...
Ursula von der Leyen të shtunën viziton Kosovës, pritet në t...
Zidane ‘injoron’ Ronaldon kur emëron tre lojtarët e Real Mad...
Moti sot në Shqipëri
Ministri bullgar sot viziton Kosovën, nënshkruajnë me Çekun ...
Sot mbahet ceremonia e hapjes së edicionit të 10-të të Shkol...