Google ADS

Liverpool – Manchester City, konfirmohet data dhe stadiumi i finales

13:52 | 1 Qershor 2022
K.B

Liverpooli do të përballet me Manchester Cityn në edicionin e fundit të Community Shield, pas triumfit të tyre në FA Cup, dhe ndeshja nuk do të zhvillohet në stadiumin e zakonshëm në “Wembley”.

Kjo është një ndeshje e fituesit të Premier Ligës dhe atij të FA Cup dhe do të jetë ndeshja e tretë mes Liverpoolit e Cityt në vitin 2022.

Ndeshja është më e hershme se shumica e sezoneve të kaluara për shkak të Kupës së Botës në Katar që shtyn programin përpara.

Finalja e Community Shield të vitit 2022 do të zhvillohet të shtunën, më 30 korrik, me fillim nga ora 18:00.

Po ashtu, kjo finale do të zhvillohet në stadiumin “King Power” të Leicesterit, i cili është për shkak të finales së Euro 2022 për femra që do të mbahet në “Wembley” në të njëjtën fundjavë.

30 korrik – 18:00, Liverpool – Manchester City (Stadiumi King Power). /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm