Google ADS

Kosova dhe Shqipëria bashkojnë forcat, kthejnë nga Siria edhe 13 persona

09:29 | 28 Maj 2022
K.B

Kosova dhe Shqipëria kanë realizuar një aksion të suksesshëm së bashku, duke kthyer nga Siria edhe 13 persona.

Këtë e ka bërë të ditur kryeministri i Shqipërisë, Edi Rama, me anë të një postimi në Facebook.

“Jemi kthyer në atdhe 13 shtetas të tjerë shqiptarë nga kampet e ferrit në Siri këtë mëngjes nga Prishtina. Janë 4 gra dhe 9 fëmijë që rikthehen në gjirin e familjes, duke e çuar në 43 numrin e bashkatdhetarëve tanë që shpëtuam që kur e nisëm këtë përpjekje të përbashkët”, thuhet në postimin e Ramës.

Të kthyerit, kanë arritur përmes Aeroportit të Prishtinës teksa aty kishin dalë për t’i pritur edhe ministri i Brendshëm, Xhelal Sveçla dhe homologu i tij shqiptar, Bledar Çuçi. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm