Me paraqitjen e variantit Omicron që ishte dominant në Britani të Madhe, rreziku i riinfeksionit ishte tetë herë më i lartë se kur mbizotëronte varianti Delta.
Në Britani të Madhe rreziku për t’u riinfektuar me koronavirus ishte shumë më i mundshëm kur varianti Omicron ishte dominues, nga 20 dhjetori 2021 deri më 13 maj 2022, krahasuar me atë kur varianti delta ishte në rritje, i përcaktuar nga 17 maj deri në 19 dhjetor 2021, sipas Zyrës për Statistikat Kombëtare (ONS), transmeton portal arbresh.info
Zbulimi është pjesë e Sondazhit të Infeksionit Coronavirus të ONS, i cili mat se sa njerëz janë testuar pozitivë për Covid-19 dhe prevalencën e antitrupave kundër virusit në të gjithë Britaninë e Madhe.
Analizat e hershme të variantit Omicron në Afrikën e Jugut sugjeruan për një rrezik të lartë të riinfeksionit.
Një studim i veçantë nga Instituti Kombëtar për Kërkimin e Shëndetit dhe Kujdesit në Britani të Madhe shqyrtoi riinfeksionin tek punonjësit e kujdesit shëndetësor, duke zbuluar në mënyrë të ngjashme se rreziku ishte më i lartë me Omicon.
Varianti Omicron ka prekur edhe personat e vaksinuar, megjithatë shkencëtarët thonë se simptomat e koronavirusit kanë qenë më të vogla në krahasim me personat e pavaksinuar.
Autoritetet shëndetësore në Britani të Madhe dhe në vende tjera të botës vazhdojnë të bëjnë thirrje për vaksinim, në mënyrë që të shmanget një tjetër shpërthim i infeksioneve në vjeshtë./arbresh.info/
Ministri i Jashtëm i Sllovakisë: S’e njohim Kosovën, është s...
“Thika, maska, para të falsifikuara”, policia publikon foto ...
Shtëpia e Bardhë shpreson për arritjen e armëpushimit në Gaz...
Osmani në ShBA njofton për aktivitete që lidhen me agjendën ...
Zbulohet lista e lojtarëve më të shpejtë në Ligën Premier – ...
Izraeli dërgon më shumë trupa në veri të Gazës, vazhdon oper...