“Ne ndjekim rekomandimet, i kushtojmë vëmendje situatës, si në vend ashtu edhe jashtë saj. U bëjmë thirrje njerëzve që udhëtojnë, të jenë të kujdesshëm, të mbrojnë veten, të mbajnë distancë. Udhëtimi në zonat me rrezikshmëri të lartë nuk rekomandohet dhe për këtë arsye duhet të jemi jashtëzakonisht të përgjegjshëm”, apelon mjekja Milena Stevanoviq, drejtoreshë e Klinikës Universitare për Sëmundje Infektive, lidhur me situatën me sëmundjen e njohur si lija e majmunëve.

Dr. Stevanoviq, duke folur për televizionin Sitel, theksoi se sistemi ynë shëndetësor nuk duhet të nënvlerësohet dhe se të gjithë pacientët do të monitorohen, regjistrohen dhe trajtohen në Klinikën Infektive nëse lind nevoja.

“Mos e ulni vlerën e sistemit tonë. Sistemi ynë është larg idealit, por është gati dhe ne qëndrojmë fort në këmbët tona dhe kemi kapacitetin të përballemi edhe me një sëmundje ngjitëse. Sapo të dalin në shitje testet e lijës së majmunëve, ne do t’i marrim ato”, shtoi ajo.

Sa i përket inkubacionit për këtë sëmundje, Stevanoviq ka shpjeguar se ai zgjat 21 ditë, që do të thotë se njeriu mund të infektohet deri në 21 ditë pa asnjë simptomë, si temperaturë, dhimbje koke apo ënjtje të nyjeve limfatike.

Si çdo infeksion tjetër viral, edhe lija, thotë ajo, do të prekte të rinjtë, të moshuarit dhe njerëzit me sëmundje kronike.

“Zinxhirët e ndërprerë të vaksinimit do të çojnë në sëmundje të rënda virale. Apeli im është që të mos ndërpritet vaksinimi dhe të mos lejohet që fëmijët të humbasin vaksinimin. Kjo është arsyeja pse kemi sëmundje të mëparshme virale”, përfundoi Stevanoviq.