Të shtunën përsëri punime në rrugën “Muharrem Fejza”

20:08 | 25 Maj 2022
arbresh.info

Komuna e Prishtinës njofton se të shtunën do të ketë punime në rrugën “Muharrem Fejza”.

“Ju njoftojmë se me datën 28 maj, ditën e shtunë, duke filluar nga ora 09:00, Komuna e Prishtinës do të bëjë pastrimin e përgjithshëm të rrugës “Muharrem Fejza” me rrugët lidhëse si dhe hapësirat tjera publike në këtë zonë. Pas pastrimit, do të bëhet edhe rikultivimi i sipërfaqeve të gjelbra në këto hapësira”, thuhet në njoftim.

Komuna e Prishtinës kërkon nga banorët e lagjes që këtë ditë të mos i parkojnë automjetet në parkingun paralel me shiritat qarkullues të rrugës dhe as në trotuare për të mos penguar në realizimin e punimeve.

“Lusim qytetarët për bashkëpunim, sepse në rast të mos respektimit të këtij njoftimi, Komuna e Prishtinës nuk merr përgjegjësi për dëmtime të mundshme të veturave apo mjeteve tjera motorike në këto rrugë dhe hapësira tjera publike të kësaj zone”, thuhet tutje në njoftim./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm