Në ditët e sotme, nuk ka asnjë njeri që mund t’i shpëtojë një orari të ngjeshur, një grusht detyrimeve dhe një presioni të vazhdueshëm.

E tërë kjo nuk sjell asgjë më shumë se stres, me të cilin përballemi çdo ditë, transmeton portal arbresh.info

Ndodh shpesh që të mësohemi aq shumë me stresin e vazhdueshëm sa të pajtohemi me të. Në ato momente, ne pushojmë së menduari fare se jemi nën presion të vazhdueshëm, por trupi ynë mund të dërgojë sinjale se duhet t’i kushtojmë më shumë vëmendje!

Stresi në punë, detyrimet në shtëpi, ndryshimi i papritur i planeve, madje edhe bllokimet e trafikut mund të na prishin ritmin. Edhe nëse mendoni se nuk jeni nën stres, disa simptoma mund të shfaqen në lëkurën tuaj që ju dërgojnë një sinjal se trupi juaj ka ende nevojë për pushim dhe relaksim.

Stresi mund të çojë në dermatit seborrheik. Rritja e hormonit të stresit, kortizolit, është shkaktari më i zakonshëm i kësaj sëmundjeje. Përveç kësaj, rritja e sekretimit të hormoneve të stresit mund të çojë në krijimin e akneve, ekzemës, psoriasis ose dermatit seborrheik.

Dermatologët theksojnë se çlirimi i adrenalinës dhe hormoneve të tjera të stresit, mund të ndikojnë negativisht në lëkurë.

Hulumtimet tregojnë se stresi afatgjatë shtyp sistemin imunitar në të gjitha organet, përfshirë lëkurën tonë. Dermatologia nga Miami Dr. Janice Lima-Maribona thotë se kortizoli, hormoni kryesor i stresit, është fajtori kryesor për një lëkurë me probleme.

“Normalisht, nivelet e kortizolit luhaten sipas orës sonë të brendshme cirkadiane, me nivele maksimale në mëngjes dhe më të ulëta rreth mesnatës. Kur jemi nën stres, nivelet e kortizolit shqetësohen, gjë që mund të shkaktojë akne dhe të përkeqësojë gjendjet si ekzema, psoriaza dhe dermatiti atopic”, tha ajo.

Pra, në kohë stresi, vitaminat dhe mineralet e vlefshme janë prioritet për proceset jetike metabolike të trupit tonë dhe prodhimin e hormoneve të stresit. Lëkura është barometri i jashtëm i asaj që po ndodh brenda.

Stresi ndikon gjithashtu në përshpejtimin e plakjes së lëkurës./arbresh.info/