Një në tre fëmijë ka probleme me shikimin

01:31 | 16 Maj 2022
Trina Galanxhi

Problemet e shikimit te fëmijët janë rritur ndjeshëm, sidomos me rritjen e përdorimit të teknologjisë. Nga vizitat okulistike rezulton se një në 3 fëmijë ka probleme dhe dëmtime të syrit.

Probleme të cilat po hasën që në moshat e vogla pediatrike dhe nëse nuk kapen në kohë ato nuk mund të riparohen.

Okulistja Suzana Nuellari tregon se kryesisht mbizotëron miopia te fëmijët.

Mjekja u bënë apel prindërve që të mos i lënë fëmijët për një kohë të gjatë para televizorit, ndërkohë që telefonat sipas saj duhet të eliminohet totalisht sidomos për fëmijët nën 5 vjeç.

Për shkak të rritjes së problematikave të shikimit te fëmijët ministria e shëndetësisë ka miratuar programin kombëtar të depisimit të shikimit për fëmijët e moshës shkollore./klan.al/

Shpërndaje në rrjete sociale

Lajmet më të lexuara

Të ngjashme

Foto lajm