Google ADS

Zelensky bën thirrje për njohjen zyrtare të Rusisë si “shtet terrorist”

00:56 | 15 Maj 2022
Trina Galanxhi

Presidenti ukrainas, Volodymyr Zelensky u takua me senatorët amerikanë të shtunën dhe bëri thirrje që Rusia të njihet zyrtarisht si një “shtet terrorist”, tha ai në fjalimin e tij të natës.

“Kam zhvilluar bisedime sot me një delegacion senatorësh amerikanë të kryesuar nga udhëheqësi i pakicës republikane në Senat, Mitchell McConnell në Kiev. Unë besoj se kjo vizitë tregon edhe një herë forcën e mbështetjes dypartiake për shtetin tonë, forcën e lidhjeve midis kombeve ukrainase dhe amerikane.”, tha ai, shkruan CNN.

Diskutimet për mbështetjen e SHBA-së për Ukrainën dhe shtrëngimin e sanksioneve ndaj Rusisë u zhvilluan gjithashtu gjatë takimit, sipas Zelenskyt.

“Unë shpreha mirënjohjen për vendimin historik për të rinovuar programin e qirasë së huasë. Kam bërë thirrje për njohjen zyrtare të Rusisë si një shtet terrorist”, tha Zelensky./21media/

Shpërndaje në rrjete sociale

Lajmet më të lexuara

Të ngjashme

Foto lajm