Google ADS

Aksident në Novi Sad| Një shtetas nga Kroacia i vdekur dhe katër të lënduar nga Maqedonia

20:14 | 14 Maj 2022
S D

Një shtetas kroat ka humbur jetën në një aksident automobilistik që ka ndodhur sot në afërsi të kthesës Koviljska, në drejtim të Novi Sadit, ndërsa kanë mbetur të lënduar edhe katër shtetas të Maqedonisë, mes të cilëve dy fëmijë, raportojnë mediat e Beogradit.

Ministria e Punëve të Brendshme paraprakisht njoftoi se në aksident ka humbur jetën një person, ndërsa disa të tjerë janë lënduar.

Sipas njoftimeve të mediave, shtetasi kroat (1966), i cili drejtonte automjetin “Peugeot” me targa të Maqedonisë, ka ndërruar jetë në vend, ndërsa katër shtetas të Maqedonisë, dy gra dhe dy fëmijë janë lënduar dhe janë dërguar në spital për trajtim mjekësor.

“Një vajzë shtatëvjeçare dhe një djalë dhjetë vjeç janë dërguar në spitalin e fëmijëve në gjendje të vetëdijshme”, raportojnë mediat.

Ndërkohë autoritetet në Maqedoninë e Veriut ende nuk kanë dalë me informacione në lidhje me këtë aksident./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm